‘നിങ്ങളുടെ നഗ്‌ന ചിത്രമയക്കൂ, ഞാന്‍ പണം നല്‍കാം’; സോഷ്യല്‍ മീഡിയയില്‍ തനിക്കുണ്ടായ ദുരനുഭവം വെളിപ്പെടുത്തി അന്‍സിബ

സോഷ്യല്‍ മീഡിയയില്‍ തനിക്കുണ്ടായ ദുരനുഭവം വെളിപ്പെടുത്തി യുവനടി അന്‍സിബ രംഗത്ത്. നിങ്ങളുടെ നഗ്‌ന ചിത്രമയക്കൂ, ഞാന്‍ പണം നല്‍കാം എന്ന് അജീഷ് എന്ന് പേരുള്ള യുവാവ് തനിക്ക് സന്ദേശം അയച്ചെന്നാണ് അന്‍സിബ വെളിപ്പെടുത്തിയത്. ലൈംഗീക ചുഷണങ്ങള്‍ വെളിപ്പെടുത്തുന്ന മി ടൂ ക്യാമ്പയിന്‍ ശക്താമാകുമ്പോഴും ആള്‍ക്കാരുടെ മനസ് മാറുന്നില്ലെന്ന ആക്ഷേപത്തോടെയാണ് നടിയുടെ വെളിപ്പെടുത്തല്‍.

മെസേജ് അയച്ച യുവാവ് അന്‍സിബ ഇന്‍സ്റ്റഗ്രാമില്‍ പോസ്റ്റ് ചെയ്ത വിഡിയോയുടെ താഴെ കമന്റുമായി എത്തി വീണ്ടും പ്രതികരിക്കുകയുണ്ടായി. ഇന്‍ബോക്‌സ് ചെക്ക് ചെയ്യുക എന്നായിരുന്നു സന്ദേശം. വ്യാജ അക്കൗണ്ടിലൂടെ മെസേജ് ചെയ്താലും നിങ്ങളുടെ യഥാര്‍ത്ഥ മുഖം കണ്ടുപിടിക്കുമെന്നും നിങ്ങളുടെ ബുദ്ധിയെക്കള്‍ കരുത്തുറ്റതാണ് ടെക്‌നോളജിയെന്നും അന്‍സിബ തിരിച്ചയച്ചു. എന്നാല്‍ ഇത് തന്റെ യഥാര്‍ത്ഥ അക്കൗണ്ട് ആണെന്നായിരുന്നു അയാളുടെ മറുപടി.

സോഷ്യല്‍ മീഡിയയിലൂടെ പെണ്‍കുട്ടികളെ ആക്രമിക്കുന്നത് നിത്യം സംഭവമായി മാറിയിരിക്കുകയാണെന്ന് അന്‍സിബ പറഞ്ഞു. മി ടു പോലെ ധീരമായ ക്യാംപെയ്‌നുകള്‍ ലോകം മുഴുവന്‍ ചര്‍ച്ചയാകുമ്പോഴും ഇതുപോലുള്ളവര്‍ അതിനെ നിസാരവത്കരിക്കുകയാണ്. ഇത്തരക്കാരെ നിയമത്തിനു മുന്നില്‍ കൊണ്ടു വരണമെന്നും അന്‍സിബ പറഞ്ഞു.

Show More

Related Articles

Close
Close