ചെക്ക് റിപ്പബ്‌ളിക്കിലെ അംബാസിഡറാക്കണമെന്ന് ട്രംപിന്റെ ആദ്യഭാര്യ

ന്യൂയോര്‍ക്ക് പോസ്റ്റിന് നല്‍കിയ അഭിമുഖത്തിലാണ് അമേരിക്കന്‍ പ്രസിഡന്റായി തിരഞ്ഞെടുക്കപ്പെട്ട ഡൊണാള്‍ഡ് ട്രംപിന്റെ ആദ്യഭാര്യയായ ഇവാന ട്രംപ് തന്നെ ചെക്ക് റിപ്പബ്‌ളിക്കിലെ അമേരിക്കന്‍ അംബാസിഡറായി നിയമിക്കണമന്ന ആവശ്യം ഉന്നയിച്ചത്.

”1949-ല്‍ ചെക്ക്‌റിപ്പബ്‌ളിക്കിലാണ് ഞാന്‍ ജനിച്ചത്. എനിക്ക് ചെക്ക് സംസാരിക്കാനറിയും എന്നെ ആ രാജ്യത്തുള്ളവര്‍ക്കുമറിയാം. ഞാന്‍ മൂന്ന് പുസ്തകങ്ങള്‍ എഴുതിയിട്ടുണ്ട്, അത് 24 ഭാഷകളിലായി 45 രാജ്യങ്ങളിലേക്ക് വിവര്‍ത്തനം ചെയ്തിട്ടുണ്ട്. ഇവാന എന്ന പേരില്‍ തന്നെ എന്നെ ആളുകള്‍ ആളുകള്‍ അറിയും. ട്രംപ് എന്ന വാലിന്റെ ആവശ്യം എനിക്കില്ല…. ഇവാന പറയുന്നു.