കള്ളപ്പണം: 13 രാജ്യങ്ങളില്‍നിന്ന് വിവരങ്ങള്‍ ലഭിച്ചു

നികുതിവെട്ടിച്ച് വിദേശരാജ്യങ്ങളില്‍ സൂക്ഷിച്ച കള്ളപ്പണത്തെക്കുറിച്ചുള്ള വിവരങ്ങള്‍ ഇന്ത്യക്ക് ലഭിച്ചുതുടങ്ങി. 13 രാജ്യങ്ങളില്‍ നിന്ന് കിട്ടിയ ഇന്ത്യക്കാരുടെ കള്ളപ്പണത്തിന്റെ വിവരങ്ങള്‍ ആദായനികുതിവകുപ്പ് പരിശോധിച്ചുവരികയാണ്. 2013-14 കാലത്ത് കേന്ദ്രസര്‍ക്കാറിനു ലഭിച്ച വിവരങ്ങള്‍ സുപ്രീം കോടതി നിയമിച്ച പ്രത്യേകാന്വേഷണ സംഘവും പരിശോധിക്കുന്നുണ്ട്.

നികുതിവെട്ടിച്ച 24000 കേസുകളാണ് വിവിധരാജ്യങ്ങളില്‍നിന്ന് ലഭിച്ചിരിക്കുന്നത്. ന്യൂസീലന്‍ഡ്, സ്‌പെയിന്‍, യു.കെ, സ്വീഡന്‍, ഡെന്‍മാര്‍ക്ക്, ഫിന്‍ലന്‍ഡ്, പോര്‍ച്ചുഗല്‍, ജപ്പാന്‍, സ്ലോവേനിയ, ഓസ്‌ട്രേലിയ, മെക്‌സിക്കോ, ഇറ്റലി, ട്രിനിഡാഡ്-ടൊബാഗോ എന്നീ രാജ്യങ്ങളാണ് ഇന്ത്യക്ക് വിവരങ്ങള്‍ കൈമാറിയത്. ഇവയില്‍ ചിലതില്‍ വിദേശബാങ്ക് അക്കൗണ്ടുകളുടെ കൃത്യമായ വിവരങ്ങളുമുണ്ട്.
കഴിഞ്ഞകൊല്ലത്തെ അപേക്ഷിച്ച് ഇത്തവണ നികുതിവെട്ടിപ്പിന്റെ കണക്കുകള്‍ കൂടിയതായി പ്രത്യേകാന്വേഷണസംഘത്തെ പ്രത്യക്ഷനികുതിബോര്‍ഡ് അറിയിച്ചിട്ടുണ്ട്. ഭാവിയില്‍ ഇത് കൂടാനാണിടയെന്നും പ്രത്യക്ഷനികുതിബോര്‍ഡ് കരുതുന്നു. ലഭിച്ച വിവരങ്ങളെല്ലാം ആദായനികുതി വകുപ്പിന്റെ വിവിധ സംസ്ഥാനങ്ങളിലെ യൂണിറ്റുകള്‍ക്ക് കൈമാറിയിരിക്കുകയാണ്. ആദായനികുതിനിയമപ്രകാരം വിശദമായ അന്വേഷണം നടത്താനാണ് നിര്‍ദേശിച്ചിരിക്കുന്നത്.

ഇതിനുപുറമേ, സുപ്രീംകോടതി നിയമിച്ച, വിരമിച്ച ജഡ്ജി എം.ബി. ഷായുടെ നേതൃത്വത്തിലുള്ള പ്രത്യേകാന്വേഷണ സംഘവും ലഭിച്ച രഹസ്യവിവരങ്ങള്‍ പരിശോധിച്ചുവരികയാണെന്ന് ധനമന്ത്രാലയ വൃത്തങ്ങള്‍ അറിയിച്ചു.

ആകെ ലഭിച്ചത് 24085 വിവരങ്ങളാണ്. ന്യൂസീലന്‍ഡില്‍നിന്ന് 10372 വിവരങ്ങള്‍ ലഭിച്ചു. നികുതി വെട്ടിച്ച് സൂക്ഷിച്ചതായി സംശയിക്കുന്ന പണത്തിന്റെ വിവരങ്ങള്‍ സ്‌പെയിന്‍ 4169-ഉം യു.കെ 3164-ഉം സ്വീഡന്‍ 2404-ഉം ഡെന്‍മാര്‍ക്ക് 2145-ഉം ഫിന്‍ലന്‍ഡ് 685-ഉം പോര്‍ച്ചുഗല്‍ 625-ഉം ജപ്പാന്‍ 440-ഉം സ്ലോവേനിയ 44-ഉം വിവരങ്ങള്‍ ഇന്ത്യക്ക് കൈമാറിയിട്ടുണ്ട്.

Show More

Related Articles

Leave a Reply

Or

Your email address will not be published. Required fields are marked *

Close
Close