ഫണ്ട് ദുര്‍വിനിയോഗം; പരാതിക്കാരന്‍ ലോകായുക്തയെ സമീപിച്ചു

തിരുവനന്തപുരം: പ്രളയക്കെടുതിയുടെ പേരില്‍ മുഖ്യമന്ത്രിയുടെ ദുരിതാശ്വാസ ഫണ്ടിലേക്ക് ലഭിച്ച തുക സര്‍ക്കാര്‍ ദുര്‍വ്വിനിയോഗം ചെയ്യുന്നതായി ലോകായുക്തയില്‍ ഹര്‍ജി . കേരള സര്‍വ്വകലാശാല മുന്‍ സിണ്ടിക്കേറ്റ് അംഗം ആര്‍ എസ് ശശികുമാര്‍ ആണ് ഇതു സംബന്ധിച്ച് ലോകായുക്തയ്ക്ക് ഹര്‍ജി നല്‍കിയത്.

ഫണ്ട് അനര്‍ഹര്‍ക്ക് നല്‍കുന്നുവെന്നാണ് ഹര്‍ജിയില്‍ പറയുന്നത് . മുഖ്യമന്ത്രിയെയും മറ്റ് മന്ത്രിമാരെയും അയോഗ്യരാക്കണമെന്നും പരാതിയില്‍ പറയുന്നു. ഹര്‍ജിയില്‍ വാദം കേള്‍ക്കുന്നത് സപ്തംബര്‍ 27 ലേക്ക് മാറ്റി. അഭിഭാഷകനായ ജോര്‍ജജ് പൂന്തോട്ടമാണ് അദ്ദേഹത്തിന് വേണ്ടി ഹാജരായത്.

അന്തരിച്ച എന്‍സിപി നേതാവ് ഉഴവൂര്‍ വിജയന്‍റെ കുടുംബത്തിനും ചെങ്ങന്നൂര്‍ മുന്‍ എംഎല്‍എ കെ കെ രാമചന്ദ്രന്‍ നായരുടെ കുടുംബത്തിനും ദുരിതാശ്വാസ ഫണ്ടില്‍ നിന്നും സര്‍ക്കാര്‍ വഴിവിട്ട് പണം നല്‍കുന്നുവെന്നാണ് പ്രധാന ആരോപണം.
സര്‍ക്കാര്‍ അടുത്തിടെ 25 ലക്ഷം രൂപയാണ് ഉഴവൂര്‍ വിജയന്‍റെ കുടുംബത്തിന് അനുവദിച്ചത്. 8.5 ലക്ഷം രൂപ രാമചന്ദ്രന്‍ നായരുടെ കുടുംബത്തിനും നല്‍കി. 20 ലക്ഷം രൂപ സര്‍വ്വീസിലിരിക്കെ മരണമടഞ്ഞ സിഎംഡിആര്‍എഫിലെ ഉദ്യോഗസ്ഥന്‍റെ കുടുംബത്തിനും നല്‍കിയിരുന്നു.

Show More

Related Articles

Close
Close