ദേശിയ പാര്‍ട്ടികളുടെ പിന്തുണ ആവശ്യമില്ല : കരുണാനിധി

Election -karunanidhi

തമിഴ്‌നാട്ടില്‍ ഡി.എം.കെയ്ക്ക് മത്സരിക്കാന്‍ ദേശീയപാര്‍ട്ടികളുടെ പിന്തുണയുടെ ആവശ്യമില്ലെന്ന് കരുണാനിധി. ഡിഎംകെയുടെ പ്രകടനപത്രിക പുറത്തിറക്കിയ ശേഷം മാധ്യമപ്രവര്‍ത്തകരോട് സംസാരിക്കുകയായിരുന്നു അദ്ദേഹം.

പ്രാദേശിക തലത്തിലുള്ള സഖ്യകക്ഷികളുമായി പാര്‍ട്ടി തിരഞ്ഞെടുപ്പിനെ നേരിടുമെന്നും അദ്ദേഹം അറിയിച്ചു. ജനവിധിക്ക് ശേഷം മാത്രമെ ദേശീയതലത്തില്‍ കൈക്കൊള്ളേണ്ട നയത്തെക്കുറിച്ച് ചര്‍ച്ച ചെയ്യുകയുള്ളൂ. തിരഞ്ഞെടുപ്പില്‍ പാര്‍ട്ടി വന്‍വിജയം നേടുമെന്നും അദ്ദേഹം പറഞ്ഞു.

ഇന്നലെ 35 സീറ്റുകളിലുമുള്ള സ്ഥാനാര്‍ത്ഥികളെ പ്രഖ്യാപിച്ചിരുന്നു. ആകെയുള്ള 40 സീറ്റുകളില്‍ അഞ്ചെണ്ണം സഖ്യകക്ഷികള്‍ക്കും നല്‍കി. വി.സി.കെയ്ക്ക് രണ്ടും എം.എം.കെയ്ക്കും ഐ.യു.എം.എല്ലിനും പുതിയ തമിഴകത്തിന് ഓരോ സീറ്റുകള്‍ വീതവുമാണ് നല്‍കിയിരിക്കുന്നത്.

നിലവിലുള്ള 18 എം.പി.മാരില്‍ 9 പേര്‍ക്ക് വീണ്ടും സീറ്റ് നല്‍കി. മുന്‍ കേന്ദ്രമന്ത്രിമാരായ എം.കെ.അഴഗിരി, പഴനിമാണിക്യം, നെപ്പോളിയന്‍ എന്നിവര്‍ ഇത്തവണ മത്സരരംഗത്തുണ്ടാവില്ല. അതേ സമയം വിവിധകേസുകളില്‍ അന്വേഷണം നേരിടുന്ന മുന്‍ കേന്ദ്രമന്ത്രിമാരായ എ.രാജ, ദയാനിധിമാരന്‍ എന്നിവര്‍ക്ക് വീണ്ടും സീറ്റ് നല്‍കിയിട്ടുണ്ട്.

Show More

Related Articles

Leave a Reply

Or

Your email address will not be published. Required fields are marked *

Close
Close