മുഖ്യമന്ത്രിക്കും റെയ്ല്‍വേ പണികൊടുത്തു

1bമുഖ്യമന്ത്രിക്കും റെയ്ല്‍വേ പണികൊടുത്തു. മുഖ്യമന്ത്രിയെത്തിയ ട്രെയിന്‍ 40 മിനിട്ട് പിടിച്ചിട്ടു, അദ്ദേഹം വഴിയില്‍ ഇറങ്ങി നടന്നുപോയി. മലപ്പുറത്ത് പ്രചാരണം കഴിഞ്ഞ് മാവേലി എക്‌സ്പ്രസില്‍ വന്ന ഉമ്മന്‍ ചാണ്ടിക്കാണ് ഈ ഗതിയുണ്ടായത്. പേട്ട സ്‌റ്റേഷനില്‍ 6.40ന് എത്തിയ ട്രെയിന്‍ 7.20 വരെയാണ് പിടിച്ചിട്ടത്. രാവിലെ മന്ത്രിസഭാ യോഗമുള്ളതില്‍ ഏറെ നേരം കാത്തിരുന്നിട്ടും ട്രെയിന്‍ വിടാത്തത് മൂലം വഴിയില്‍ ഇറങ്ങുകയായിരുന്നു. മന്ത്രി കെ.സി. ജോസഫും അദ്ദേഹത്തിനൊപ്പമുണ്ടായിരുന്നു. സമയം പോയതിനാല്‍ കെ.സി. ജോസഫിനോട് അദ്ദേഹത്തിന്റെ വണ്ടി തയാറാക്കാന്‍ ആവശ്യപ്പെടുകയും ആ വണ്ടിയില്‍ കയറി വീട്ടില്‍ പോകുകയുമായിരുന്നു മുഖ്യമന്ത്രി. ഈ സമയം ഉമ്മന്‍ ചാണ്ടിക്കൊപ്പം പൊലീസുകാരോ സുരക്ഷ ജീവനക്കാരോ ഉണ്ടായിരുന്നില്ല. എന്നാല്‍ മാവേലി എക്‌സ്പ്രസില്‍ മുഖ്യമന്ത്രി വരുന്നതും കാത്ത് സുരക്ഷാ ജീവനക്കാരും ഔദ്യോഗിക വാഹനവും തമ്ബാനൂര്‍ റയില്‍വേ സ്‌റ്റേഷനില്‍ ഉണ്ടായിരുന്നു. മുഖ്യമന്ത്രി പേട്ടയില്‍നിന്ന് കെ.സി. ജോസഫിന്റെ വാഹനത്തില്‍ കയറുമ്ബോള്‍ ഗണ്‍മാന്‍ പോലും അദ്ദേഹത്തിനൊപ്പമുണ്ടായിരുന്നില്ല. ഒന്നാം പ്ലാറ്റ്‌ഫോമിലെ ട്രെയിന്‍ മാറ്റി മുഖ്യമന്ത്രിയെ അവിടെയിറക്കുന്നതിനാണ് വിചാരിച്ചതെന്നും ഇതാണ് സമയം താമസിക്കാന്‍ കാരണമെന്നും സുരക്ഷ ജീവനക്കാരെ റയില്‍വേ അറിയിച്ചു.

Show More

Related Articles

Leave a Reply

Or

Your email address will not be published. Required fields are marked *

Close
Close